ايه الى انت حسيته او اتعلمته

والصلاة والسلام على سيد الخلق اجمعين سيدنا ونيبنا محمد عليه افضل الصلاة واتم التسليم اما بعد
فى الحقيقه انا لقتنى مقصره فى قراءة القران والتفكر فى آياته نتيجه لظروف دراسه يمكن نتيجه لانى بعدت عن الطريق الصح يمكن لانى...... برده يمكن مش المهم عندى ايه الى كان الى مهم انا هاعمل ايه ولان ده حالى وحال ناس كتير زيى واحسن منى فحبيت اننا نعين بعض ونشجع بعض اكيد كلنا نفسنا نقرب لكلام ربنا اكتر ونفهمه ونستشعره فخطرت فى بالى فكره اتمنى انها تعجبكم ونتفاعل سوا فيها وتكون لينا بدايه لخير كبير ولمحو حزن وضيق كامن جوانا ما يقدرش عليه غير القرب من ربنا وقراءة كتابه المهم علشام ما اطولش الفكره عباره عن تحديد سوره اسبوعيا يقراها كل واحد مره اتنين ثلاته على قدر استطاعته وعلى حسب استشعاره وجهده وخلال الاسبوع كل واحد يكتب ايه اكتر ايه علقت بذهنه او اثرت فيه وهل هو استفاد شئ ولا لا وعلى فكره دى هاتختلف من شخص لاخر ممكن مره نتاثر ومره لا وهكذا بس الاكيد اننا مره فى مره مش هانقدر نستغنى عن المصحف اتمنى ان الفكره تعجبكوا ونعين بعض
ولان الاسبوع على وشك الانتهاء فاسمحوا لى ان اقترح السوره بدون استشاره لان كل واحد فى نهاية كتابته هو حس بايه هايكتب ايه السوره الى يحب اننا نقراها
السوره هى سورة الضحى
اتمنى لو الفكره ما عجبتكوش او لو حد شايف طريقه افضل ياريت يبلغنى بيها
لكم منى جزيل الشكر
اختكم فى الله

بسم الله الرحمن الرحيم
(وما ودعك ربك وما قلى )
صدق الله العظيم
دى من اكثر الآيات الى بتاثر فيا فى صورة الضحى لانى بحث منها ان مهما الناس بعدوا عنى ومهما ودعنى ناس ومهما حسيت بوحده فى وجود الى حواليا انه يكفينى قرب ربنا ليا

الحمد لله انا مش حاسه بالوحده لان ربنا حبانى بصحبه سواء فى المنتدى او فى حياتى بس بتيجى علينا اوقات بنحس فيها اننى تعبنا او بعدنا او اذنبنا او فعلا بيكون الى حوالينا انشغلوا عننا ورغم ان الانسان ممكن يكون بطبيعته عشرى يعنى متعايش مع الى حواليه ومع الناس اكيد بيجى عليه وقت وبيحس ان كل الى حواليه مش فهمنيه او فهمهم

السلام عليكم
السوره الى عليها الدور ان شاء الله هى سورة (النور) اتمنى انكم تقروها وحتى لو مش حابين تشاركوا معايا بس بجد اقرؤها فيها فوايد كتير لينا احنا الشباب

طيب ياريت يا محمد تعرف ان ربنا اعطاك نعمه كتير بيتمنوها وانا واحده منهم فياريت ما تهملهاش علشان لو ضاعت منك هيبقى صعب جدا تستعيدها وممكن على ما تحاول وتقدر يكون فات الاوان راجع حفظك واكيد هيكون باب من الرحمات مش هاتقدر على عطياه اما بالنسبه لسورة النور فانا اخويا الكبير وصانى بقرأتها دايما واتمنى انك تقراها وتقولى ايه اكتر الايات الى اثرت فيك او ايه الى اتعلمته من غير ما تدور او تفكر اوابه الاحساس الى يوصلك اول ما تقرأها اكتبه على طول لانه اكيد هايفيدنا كلنا اننا نعرف كل واحد اتعلم ايه او فهم السوره ازاى

شكرا ليكى سماح وشئ يسعدنى انك تكونى معانا وان شاء الله دى تكون خطوه علشان نجهز نفسنا لرمضان كل عام وانتم بخير

بسم الله الرحمن ارحيم
احمدك ربى على ما انعمت على به من نعم ادركتها ولم ادركها بعد احمدك على نعمة القراه والفهم والادراك احمدك على نعمة العقل والتميز احمدك حمدا طيبا مباركا فيه ملئ السموات والارض ومن فيهن
فى الحقيقه انا اتعلمت وتذكرت اداب وخلق كتير مهمه لينا كمسلمين من السوره الكريمه لان كل ايه فيها بتحمل معانى واداب جميله جدا ومن اكتر الايات الى استوقفتنى هما كتير بس هذكر بعضهم
الايه رقم 19 لانى ولو الانسان ادرك معناها هايتحسب من كثير من اعماله ممكن ما يكنش يقصد بيها حاجه لكن لو تفكر فيها هيلقيها بتكون سبب فى توههان بعض الناس الى حواليه
والايه رقم 23 اتمنى من الله انه يسامحنا كلنا لان معظمنا بيقع بشكل ما فى الخطا ده وانا باعترف انى وقعت فيه بس مش بالحجم المذكور فى الايه لكن بشكل مبسط وهو انى ظنيت ظن سئ بدون دليل
والايه رقم26 لانى كل ما بقرأها بيطمئن قلبى على رزقى فى من سيكون لى نصيب معه فى الحياه
والايه رقم 31 لانى باتعلم منها معنى العفه وصفات المؤمنه الى ربنا بيؤمرنى انى اكون عليها
والايه رقم 41 لانها بتحسسنى بتقصيرى فى ذكر الله وانا من كرمنى الله عن سائر المخلوقات
وهناك آيات كثيره تعلمت منها اداب الاستئذان فى الحقيقه اوجه الاستفاده كثيره جدا جدا
ادعو الله العلى القدير ان يرزقنى حفظ القران وتجويده وفهمه وتفسيره والعمل بما امرنى الله فيه ويارب ما تعدى السنه دى غير وانا حفظه القران كاملا يارب

جزانا واياكم ان شاء الله كنت اتمنى انك تذكر الايات او الدروس الى ممكن تكون ادركتها من السوره وكمان كنت اتمنى مشاركة سماح زى ما طلبت اما بالنسبه لسؤالك هايكون صعب عليا انى اجاوب عليه بس ان شاء الله احاول اسال عليها واقراء عنها فى التفسير وشكرا ليك