قصة حب فى 30 يوم

السلام عليكم ورحمة الله وبركاته

اليكم قصة حب فى 30 يوم أتمنى لكم قراءة ممتعة

رأفت : أعتقد أننا آخر إتنين مش مرتبطين في هذا العالم

سها : اه .. كل صحباتى مرتبطين وإحنا آخر إتنين مش مرتبطين وكل واحد فينا عايش من غير حبيب

رأفت : اه .. مش عارف أعمل إيه

سها : أنا عارفة .. تعالى نلعب لعبه

رأفت : لعبة إيه ؟

سها : تعالى نرتبط لمدة 30 يوم , أبقي حبيبتك فيهم وتبقي حبيبى فيهم لحد وا ال30 يوم يخلصوا

رأفت : مممم , فكره حلوه وانا كده كده فاضى طول الفتره اللى جايه ..

اليوم 1

دخلوا السينما لأول مرة مع بعض ومسكوا إيدين بعض وهما بيتفرجوا عالفيلم الرومانسى

اليوم 4

راحوا شاطىء البحر وإتفسحوا .. رأفت وسها عاشوا وقت مميز في اليوم ده

اليوم 12

رأفت عزم سها عالسيرك وعلي بيت الرعب , سها كانت خايفه أوى وحاولت تمسك إيد رأفت بس غلطت ومسكت إيد واحد تاني وفضلت تضحك هي ورأفت عالموقف ده

اليوم 14

راحوا للعراف وسئلوه عن حظهم , العراف قال لهم : حبايبى .. متضيعوش لحظه من حياتكم وعيشوا حياتكم في سعادة مع بعض .. بعديها عين العراف دمعت وقال لهم إمشوا

اليوم 20

سها عزمت رأفت عشان يروحوا الهرم وإتفرجوا هناك على الخيل وهو بيجرى .. سها همست ساعتها بكلام رأفت مسمعهوش

اليوم 28

ركبوا باص وبسبب الطريق المتعرج الباص عمل حادثه مكانت أول مره سها تبوس رأفت عشان إتجرح

اليوم 29

الساعه 11:27 p.m

فاضل 33 دقيقه وال30 يوم يخلصوا

رأفت وسها قاعدين فى نفس المكان إللى كانوا قاعدين فيه من 30 يوم ساعت ما إتفقوا يلعبوا اللعبه دى

رأفت : انا عطشان يا سها , تحبى تشربى حاجه ؟

سها : شكرا .. ياريت بيبسى

رأفت : حاضر ... إستنينى مش حتأخر

20 دقيقة عدت لحد ما سها لقت واحد غريب بيكلمها

الغريب : إنتى صاحبة رأفت ؟

سها : اه , ليه فيه إيه ؟؟؟

الغريب : سواق عربيه خبطه وهو في المستشفى حالته وحشه أوى

الساعه 11:57 p.m

الدكتور خرج من غرفة الطوارىء وكان فى إيده إزازة بيبسى وجواب لسها ..

الدكتور : إحنا لقينا الحاجات دى مع رأفت

سها قرأت الجواب وكان بيقول :

سها .. الجواب ده انا كتبته من كام يوم , انا لقيتك إنسانه رقيقه محلوه أوى , ولقيت نفسى بحبك بجد من غير ما أحس , إبتسامتك اللى حبتها عمرى ما حنساها , وكل حاجه حصلت بينا فى لعبة ال30 يوم خليتنى أحبك أوى .. وقبل ما ال30 يوم يخلصوا أتمنى إنك تكونى حبيبتى بجد لآخر يوم فى عمرى .. بحبك يا سها ..

سها كرمشت الجواب ودخلت غرفة الطوارىء وصرخت فى رأفت وعنيها كلها دموع : رأفت .. مش عيزاك تموت .. انا بحبك , فاكر يوم ما رحنا الأهرامات ؟ ساعتها انا همست بكلام إنت مسمعتهوش .. انا كنت بتمنى ساعتها إننا نفضل مع بعض للأبد ونفضل مستمرين فى اللعبه لآخر يوم فى حياتنا ... أرجوك متسبنيش يارأفت , حرام عليك متعملش فيا كده .

ساعتها الساعه دقت 12:00 a.m
وقلب رأفت بطل يدق ... وكانوا 30 يوم زى ما إتفقوا بالظبط .

أعطى كل المشاعر لمن تحب , إجعله يشعر أنه أغلى من الدنيا , لأنه عندما يرحل ستحزن عليه أشد الحزن , وسيكون وقت المشاعر قد فات أوانه ..
إذا كنت أغضبته إذهب إليه وأرضيه حتى لو كان رضاه على حساب سعادتك.. فلو كان لا يحبك ما كان غضب أو إنجرح منك ..

إحتويه داخلك وضمه إليك وحافظ عليه قبل أن يصبح ذكرى

منقووووووووووول

هل سيتفهم هذه المشاعر؟
ام انها ستكون له مجرد
لعبه
وكيف يبوح بها وامامه من السدود ما لا يطاق
كلمات جميله يا سماح بس محتاجه للاحساس

قصه جميله اوى
بس فعلا مافيش الانسان اللى ممكن يفهم المشاعر دى
واشكرك ياسماح

شكرا ليك يا محمد وشكرا ليكى يا سارة على ردودكوا الغالية
وفعلا محتاجة الاحساس مش كفاية الكلام

لايوجد احساس بالمره واشكرك على مجهودك

شكرا لتعليقك هذا ولمرورك الكريم

قصه جميله جدا يا ريت فعلا كل شخص يضع مشاعره ويعضيها للانسان اللي يستحق ويتفهم هذه المشاعر بحيث لاتضيع اي لحظه حلوه ممكن تمر

قصه جميله
واكيد لو كل واحد فينا صادق فى مشاعره و كلامه مع كل اللى بيتعامل معاهم
اكيد هيكون مبسوط و هيسعد كل اللى حوليه
تحياتى ليكى يا سماح على الموضوع