كن قليل الأدب تكسب قلوب من ذهب

المقوله دى منتشره فعلا والى فاهم مغزى التعامل ده اكيد هايقولك انها مقوله خاطئه لا عمر الايثار او العفو او التسامح ما كان ضعف احنا الى عندنا قصور فى التفريق بين الضعف وعدم الرد لقلة الحيله وعن العفو والصفح والتنازل فى ظل وجود طرق ممكن استخدامها
اما بالنسبه لانى اتعرضت لموقف اتصدمت فيه بشخص اتعاملت معاه بحسن نيه او عاملته بطيبه وهو رد بالعكس حصلى وبيحصلى وهايحصلى
وقابلته بحزن لفتره مؤقته ولكنى بادرك ان الى انا عملته صح لانى لما عملته ما عملتهوش علشان حد يقولى برافو عملته علشان ارضى ضمير وربى
وانا احب اقول مش للى اساؤا الظن بالطيب لا انا هاقول للى اتعاملو بطيبه وبنقاء مهما اتقابلت اعمالك بالسخريه والضرر افتكر انك عملت كده مش لضعف فيك ولكن لانك اعلى وانقى من اى حد الاحترام بعيد عن صفاته ويكفى الانسان الى تعامل بحب وموده وتنازل علشان ما يسببش جرح ولا الم ولا يسيب كره وحقد فى قلب حد انه ينام الليل وباله مرتاح وصدره منشرح اذاراوده حلم اكيد هايكون حلم من جنس عمله ولما يقابل ربه هايحس بانتصاره على نفسه وعلى الى جرحه