كيف تحكم الأخلاق تصرفاتنا؟ وإلى أى مدى؟

السلام عليكم ورحمة الله وبركاته

كيف تحكم الأخلاق تصرفات النسان ؟ وإلى أى مدى تكمنا هذه الأخلاق؟

لكل منا أخلاقه وقيمه الذى يعيش عليها سواء كانت أخلاق حميدة وأصيلة أو عكس ذلك

وكلا منا يعتز بأخلاقه ويتوجها على رأسه ورؤس الأخرين

فهو ينظر لأخلاقه هذه على أنها كنزه الدفين وأعز ما يملك مما يجعلها تقوده فى حياته

وتصرفاته مع الأخرين

فالإنسان منا يرى أن ما يملكه من أخلاق مهما كانت مساوئها أنها على حق دائماً
وأنها الأمثل على الوجود

فهل علينا أن نشكل أخلاقنا تبعاً لأخلاق الغير أو سلوكيات وتصرفات الغير معنا؟

أو بمعنى أخر.. هل يجب علينا أن نعامل الأخرين كما يعاملوننا لأنهم يستحقون ذلك
ونتخلى عن أخلاقنا ؟ أم نعاملهم بأخلاقنا نحن؟

ويجب أن نضع فى حسباننا أن لكل فعل رد فعل فإذا تعاملنا مع أخر ووجدنا منه

تصرفات شاذه غليظة ومهينة فوقتها ماذا علينا أن نفعل؟

هل سنظل نتعامل معه بأخلاقنا بكل لطف ويقال علينا ضعفاء كالعادة ؟ أم سنكشر عن أنيابنا أمامه ؟

فـــ إلى أى مدى تحكمنا أخلاقنا هذه؟

تساؤلات تطرح نفسها على أذهاننا وتبقى الإجابة فى عقولنا مبهمة

موضوع جميل ياسماح
وتسلم ايدك
وانا من رايى اننا نعمل الناس باخلاقنا
ولما نكون ضعفاء قدام الناس احسن مانكون ضعفاء قدام نفسنا
انما بردوا زى مابيقولوا للصبر حدود
يعنى هنتعمل معاهم مره و2 و3 باخلاقنا
انما لو فضلوا زى ماهما بيكون فى تصرف تانى وساعتها بنتخلى عن اخلاقنا وبنعملهما باخلاقهم
انما طبعا عادتا لما بنعمل الناس باخلاقنا هما كمان بيتغيروا ويعملونا باخلاق غير اخلاقهم
لان من الطبيعى انك تعملى انسان كويس هتلاقى يعملك بنفس المعمله
حتى ولو كان اسلوبه من الاول غير كده انما هيتغير ويكون للاحسن
انما فى شواذ بنعملهما مره و2 3 و10 باخلاقنا
انما للاسف زى ماهما مابيتغيروش فاطبيعى هيكون فى ردود فعل اخره
وهنتخلى عن الاخلاق دى عشان كل واحد يعرف مركزه
وده من وجهة نظرى
واشكرك

اكيد في موضوعك دا يا سماح هنسمع ردود وردود كتيره
واكيد كلها ردود كويسه لحد الاقناع
بس هل احنا بنعمل بيها؟
سوء الخلق دا مبقاش معامله سيئه بتصدر من قبل الشخص السئ الخلق فقط
بل اصبح تفكير شيطاني
شيطان على هيئه انسان
بيحاول يقول اي شئ ويعمل اي شئ عشان يبان على عكس طبيعته وفي النهايه هو شيطان مهما توارى او شكل من صورته
انا مثلا مر عليا موقف هقول جزء صغير منه اتمنى حد يساعدني علي فهمه
تخيلو شخص سيئ الخلق لدرجه انه يصور نفسه على هيئه ملاك مما يعطيه القدره على كسب ثقه واقناع الاخرين بكلام على عكس حقيقته؟
يعني مثلا اني اجي اقول لشخص معين لا طالما تعرف فلان وبتحبه يبقا انا مش هقدر اكلمك لان فلان ده صحبي
وكدا بخونه
طبعا بالتالي هيكسب ثقه عمياء لانه طلع زي مبيوقولو اصيل وصاحب صاحبه
ويقول ازاي متقوليش انك تعرفه او تعرفيه؟ ويزعل ويتاثر ويقول متكلمنيش تاني
في الوقت نفسه اللي هو يعرف فيه من الاول كل خطوه بل يمكن كل حرف من العلاقه دي
تقولو ايه في عقليه زيدي؟
والله الواحد شاف كتير ولسه ياما هيشوف
انا كنت ناوي اكتب القصه دي بكل حذافيرها بس لقيت انه ملهوش لازمه
حسن الخلق بيحتم علينا الكتمان خوفا من تسبيب المشاكل للاخرين
ودا من رايئ لا يسمى جبن
بل يسمى حلم

والحلم سيد الاخلاق
والموقف اللى انت حكيته مقدرش اقول إنه كدة مش اصيل وصاحب صاحبه بل دى براءة التماسيح واخلاق مصطنعة
لكن انا مع سارة فى رأيها احنا هنتعامل مع الشخصيات دى بأخلاقنا مرة واتنين وتلاتة
ونصبر يمكن يتغيروا ولكن بعد كدة مش هيلاقوا غير رد فعل سىء بناءا على افعالهم معانا
ونقوللهم إتقوا شر الحليم إذا غضب فهو بركان ممكن يثور فى اى لحظة ويدمر اللى حواليه

موضوعك جميل وانا اثرت فيا كل كلمه فيه وكنت اود ان اتكلم عن ما بداخلي ولكن سبقني بها محمد ويمكن عشان انا عارف كل الشخصيات اللي هو اتكلم عنها واللي انا واحد منهم وعارف كل الموضوع بس اكيد مش انا اللي اخلاقي اخلاق التماسيح لان فعلا كل اللي محمد قاله حصل وعشان كدا انا فهمت هو يقصد ايه من كلامه
اما بالنسبه للي حصل مني فكان بعلم منك يا محمد وانت عارف وكان باتفاق معاك اننا نعرف مين الصادق من المخادع يمكن انا اتحاملت على الشخصه اللي قلت عليها كتير وجيت عليها بس لاني شكيت من جوايا ولو لحظه ان هيا كمان مثل التماسيح ولكن الحمد لله لا انا ولا الشخصيه اللي انا شكيت فيها نحمل اخلاقا كاخلاق التماسيح واكتفي بهذا القدر

موضوع جميل ياسماح وقابل للنقاش فيجب على كل عضو فى المنتدى ان يفى برئيه فان رائيى كما قال الرسول الحبيب صلى الله عليه وسلم وعملوا الناس بما تحبوا ان يعاملوكم بيه فا هذا كلام مصدق من الحبيب صلى الله عليه وسلم فهذا منهاج المصطفى الامين ويجب على كل مسلم ومسلمه ان يسير على نهجه

شكرا ليك على رأيك الجميل
اللى اختصر كل حاجة
فى الحديث النبوى الشريف ده
ومشكوووووووور على المرور

انا مع ابو نورهان فعلا عملوا الناس بما تجبوا ان تعاملوا
اما بالنسبه للخوه محمد ومصطفى اذا فيه خلفات بينكم فى الراى وخلافه فاتمنى انكم تحلوها بره المنتدى نحن فى غنى عن سمعها ماشى واحذرونى

شكرا ليك يامحمد على مرورك وتعليقك الجميل