نكت شغالة شويه

أزواج و زوجات

ولد بيسأل أبوه:هي الحمير بتتجوز؟ .. قاله
يا بني مبيتجوزش أصلاً غيرالحمير

********************

في راجل بالليل سمع صرخة بالعمارة,نزل للاستفسار,قالولو الجيران ان
المياه مسممة,لما طلع على البيت سألته زوجته ماذا حصل,قالها اشربي ماء ونامي ما في شي

********************

مره واحد جزار قاعد مع مراته قعدة انس بيقولها ايه ياوليه محطتيش احمر ليه قالته
مفيش احمر احطلك دهن

********************

واحد بيقول لمراته عاوز النهاردة حاجة رومانسية قالتله
يعني ايه رومانسية
قاللها مش عارف بس احتياطي انقعي الرز

********************

واحد عنده بيتين ..واحد ساكن فيه والثاني احتياط ...تعرفو ليه !!؟ علشان اذا
احد قال له يخرب بيتك ......... يروح يسكن في البيت الثاني

********************

مرة واحد قتل حماته سائله الضابط اسمك إيه قال
اكتب عندك فاعل خير

********************

فى يوم المراة العالمى اجتمع 3 ستات واحدة امريكية والتانية فرنسية والتالتة مصريه, قالوا لازم نحبب رجالتنا فينا ونعرفهم قيمتنا فاتفقوا محدش فيهم هيقوم بواجبات البيت لمدة اسبوع ويتقابلوا بعدها يعرفوا النتيجة .
بعد اسبوع ..........
الامريكية : اضربت عن شغل البيت ومشفتش حاجة اول يومين لكن بعد كدة جة صالحنى واتاسفلى .
الفرنسية : اضربت عن شغل البيت ومشفتش حاجة اول يومين لكن بعد كدة جة وجابلى ورد وقالى انا هاعمل كل حاجة .
المصريه : اضربت عن شغل البيت ومشفتش حاجة اول يومين لكن بعد كدة ابتديت اشوف بعنيا اليمين شوية بشوية

********************

مرة واحد عصبي اتجوز واحدة عصبية الدكتور جاى ينزل الولد قاله اوعى ياعم انا نازل لوحدى

********************

مرة واحد غبي راح يخطب فوالد العروسة بيقولة احنا عايزين مهر عشرين الف جنية قام الغبي قاله ليه دا انا قدامي واحدة على خمس تلاف وحامل

********************

مرة واحد خد مراته جنينه الحيوانات و صورها جنب قفص القرود و علق الصورة فى الصالون و كتب تحت الصورة :هذه صورة زوجتى مع القرود ملحوظه زوجتى الثالثه على اليمين

********************

وادة بتقول لزوجها لو ما كنتش رضيت اتزوجك كانت حياتك بقت فاضيه قالها :ايوه بس محفظتي كانت حتبقي مليانه

********************

واحدة الدولاب عندها بيعمل صوت لما القطر بيعدى من جنبهم جابت نجار صلحه مرة و اتنين و تالت مرة قالتله و الله ما انت ماشى الا لما القطر يعدى و أشوفه هيتهز ولا لا شوية و جوزها جه و النجار من الخضة استخبى فى الدولاب .... لما جوزها شافه قاله و انت بتعمل ايه هنا قاله النجار لو حلفتلك باية مش هتصدق انى مستنى القطر

********************

مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله

********************

مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي

********************

مرة واحدة بتخون جوزها فسمعتة طالع على السلم فقالت اخبيك فين اخبيك فين راحت مخبياة ورا التلفزيون فجوزها كان جايب سمك فقالها خدى جهزى السمك ده وراح فاتح التلفزيون يتفرج على المطش الست جية تقولو ا اية دة ياراجل انتا جايبلى السمك صاحى قالها امال انا اعمل اية كل ما الأهلى يجيب جون يطلع واحد من الجمهور يبوسنى ويرجع تانى

********************

واحدة بتقول لجوزها بعد ما نجح فى الانتخابات هاتلى هدية غسالة بقى عشان انت مش حتبقى فاضى

********************

واحد قبل مايموت جمع ولاده التلاتة وحب يوصيهم يفضلوا ايد واحدة ،وأعطى لكبيرهم عود خشب كسره بسهوله أعطاه اتنين كسرهم بسهولة برضه أعطاه خمسين عود كسرهم بسهوله قال لهم طالما معاكم البغل ده مافيش خوف عليكم

********************

أب جمع اولاده قبل ما يموت وقالهم يولاد انا عايز اوصيكم وصيه لما اموت ما تقولوش انى ميت بالكبد قولوا انى ميت بالايدز فالاولاد سألوا ليه يابابا قالهم عشان محدش يتجوز امكم

مره واحد كان قاعد في الصاله مراته دخلت عليه لاقته بيقري في كتاب (الرجل سيد المنزل) فقالتله انت مش هاتبطل قراية الكتب الخياليه دي
هههههههههههههههههههههه
بصراحة كلهم حلوين اوى تسلمى يا سارة

اه ياسماح انتى بتعملى كده ولا ايه
هههههههههههههههههههه

هما كل الرجاله كدا عاوزا تخلص من نسوانها؟
ههههههههههههههههههههههههههه

هههههههههههههههههه
نقول ايه بقى
الله يسامحهم
مع ان الدنيا من غيرنا ولا ليه لازمه
ولا حد ينكر

طيب تخيلى ان مفيش رجاله حتعملوا ايه ربنا سبحانه وتعالى خلق ادم لوحده وبعد كدا جتله حواء علشان توئنس وحدته طلعته من الجنه

واحنا كمان لو ماكنش فى رجاله
كنا دخلنا الجنه
بس ماتنفعش الحياه بدون رجاله ولا ستات
والا لو كان ينفع كان ربنا خلى ادم لوحده
وكان لازم يخرجوا من الجنه عشان نعرف ان فى جنه ونار
ان فى غلط وصح فى حلال وفى حرم
فى ملايكه وفى شياطين
عشان تبقى الحياه حياه
ونعرف قيمة الاسلام وقيمة الصح والحلال

هههههههههههههههههههههههههههههههههههههههههههه
تسلم ايدك

شكرا ياعبدوا
ويارب تكون عجباك

» شويه نكت ع البنات جامدين اخر حاجه