عدد المساهمات : 1881 السٌّمعَة : 9 تاريخ التسجيل : 15/12/2009 العمر : 38 الموقع : القاهرة
موضوع: الكوسة المصرية!!!!!!!!!!! الأربعاء يوليو 21, 2010 9:45 am
السلام عليكم ياأحلى أعضاء هنتكلم انهارده عن الكوسة بتحبوها ولا ايييييييييييه؟
ما هى الكوسه المصريه؟ هل تختلف عن الكوسه العربية والاوروبيه؟ هل صلصة كل واحد فينا متشابهه مع صلصة الاخر؟ هل كوسة كل المصريين تنطبخ طويلة زى ماهى ولا بتتقطع؟ هل الكوسة صلصتها متسبكه كويس عند كل المصريين؟
كل هذه اسئلة للكوسة المصريه الكوسه المصريه هى انك توصل لاى حاجه انت عايزها حتى ولو على حق حد تانى طالما معاك الكوسه وممكن التانى يكون جايب كوسه بس تكون شايخه او مطبوخه بطماطم ومش بصلصه
واكيد الكوسه المصريه تختلف عن الكوسه العربية والاوروبية لان عندهم الكوسه مش موجوده
واكيد على حسب صلصتك هتوصل وصلصتك هى اللى هتحددلك مكانك فين بالظبط
واكيد اللى مقطع الكوسه احسن كتير من اللى طبخها طويلة لانها بتكون مستويه اكتر وياسلام لو حشو ياااااااه هتكون كوسه محشية وده طبعا مين قده
اما الصلصة ليها اهميه كبيرة جداااااااااا يعنى لو متسبكه كويس هيكون صاحب الكوسه راضى عنك اما لو تسبكتك مش كامله هتكون عادى وهتوصل بعد سنين
ايه رايك انت فى الكوسه المصريه ؟
sarah عضو مميز
عدد المساهمات : 728 السٌّمعَة : 16 تاريخ التسجيل : 02/05/2010 العمر : 38
موضوع: رد: الكوسة المصرية!!!!!!!!!!! الأربعاء يوليو 21, 2010 11:32 am
انا بقى بحب الكوسه المحشيه عشان مالاقيش حد قدى ههههههههههههه تسلمى ياسماح على احلا طبق كوسه بس للاسف مش كل المصريين بيحبوا الكوسه لان مش كل المصرين يقدروا يجيبوا الكوسه اصل الكوسه بقت غاليه اوى اليومين دول لاء وايه عاوزه صلصه كمان
سماح مشرف
عدد المساهمات : 1881 السٌّمعَة : 9 تاريخ التسجيل : 15/12/2009 العمر : 38 الموقع : القاهرة
موضوع: رد: الكوسة المصرية!!!!!!!!!!! الجمعة يوليو 23, 2010 2:53 pm
اه والله ومش اى الصلصة وكمان الكوسة المحشية لحمة دى غير اللى محشية رز وبعدين اللى مبيحبش طعم الكوسة ههههههه يعمل ايييييييييييييييه؟ منهم لله