انا عايزة اتجوز

ههههههههههههههه
بجد مش عارفه اعمل ايه ولا ايه بالتنين جنيه دول
انا بفكر احتهم فى البنك كل الشهر عشان الفوايد
لاء وايه اهم لاقوا حاجه من خلاله يقدروا يحددوا النسل
غصب عن الشعب يعنى اتنين علينا والباقى عليك
والله بيصعبوا عليا هيعملوا ايه تانى بس
كتر خيرهم حسين بالازمه اللى الناس فيها

ههههههههههههههههههههههه
الله ينور يا موحه وانا عاوز اتجوز انا كمان

و الله انتوا متحملين على الدوله
مصر تعد من اكبر الدول الناميه بس للاسف الناس لسه عيشين فيها على تقليع عصر البطيخ مش عيشين الواقع انتوا معرفتوش بالاومه الاقتصاديه العالميه حليا مفيش دوله تقدر تتنفس غير دول البترول والخامات الطبيعيه اما عندنا فى مصر الخير ديما موجود بس للاسف الشباب اليومين دول بيستسهلوا وانا واحد منهم بدل ما يسعى للعمل فى بلده ويديها كامل طاقته لا يروح يشيل زباله فى اى دوله تانيه بس علشان محدش يعرفه فيها مش بلدنا اولى بينا ليه منتجهش لستصلاح الاراضى والمشاريع الصغيره فيه دول اقتصاده تعبان عننا وبسمموا افكرنا بانهم عيشبن احسن مننا اول الدول دى امريكا حد يصدق ان عملاق تصنيع السيارات اللى راس ماله يقدر بميزانية دوله قد مصر يعلن افلاسهعلشان الاتنين جنيه بتوعك يا موحه بس المشكله مش فى الدوله ولا فى اى حاجه المشكله فى الناس الفلاحين اللى سابوا ارضهم قال ايه هو انا بتعلم ويطلع روحى علشان افلح الارض واهل الصعيد كذلك بعد ما بدئت الحكومه مشاريع استصلاح الاراضى عندهم والله انا شوفت الارض دى شغاله وصعب عليا جزء صغير منها مش مزروع بس عرفت انه مش نافع لان الميه مش بتوصلهانا كنت مفكرك حتتكلمى على مقودات الزواج زى الشبكه اللى بقت فى عالى العالى يعنى بقت نار ولا الفرش ولا الشقه ولا ولا وده مش على الشاب بس لا على الاتنين
علشان كدا تطرقت احدى الدول الناميه وهى الصين بتصدير عرائس تكلفة الواحد 1500 جنيه مصرى فقط لا غير مع الضمان وشوفوا بقا بعد كام سنه مش حتلاوا عرسان يعنى اللى متجوزتش تلحق توقعلها عريس لان الجماعه دول بقا ايه مزز وطريين وحجات كدا يعنى مش حيلاقوا منفسه جسديه داخل السوق المصرى وخصوصا انهم بدأوا دروس تعلم الشعبيه المصريه من رقص وامثال ومشياة و ما الى ذلك وكل يوم فيه خطر يهدد الامن ولاقتصاد المصرى لانه لما العرايس اللى بيجو من خارج مصر بيذيدوا دا يعنى مصر مضطره تقدم الخدمات اللى بتقدمها لشعبها مع انها قليله جدا بس لازم تقل علشان العدد وعشان كدا كل يوم الخدمات بتقل وحتقل الا اذا تداركنا الموقف وعملنا على حله نحن ابناء مصر
وشكرا على الموضوع بس يا ريت مننظرش للموضوع من الجهه السلبيه لازم ننظرله من الجهه الايجابيه لان فيه دول حددت النسل بان اول عيل له حق التامين الصحى والتعليم المجانى اللى فى مصر متاح لو حتى لالف طفل
اسف ما كتب لايدل الا على وجهة نظرى المتواضعه للموضوع

طيب يامحمد انت بتقول كلام منطقى وبتقول ان الشباب بتستسهل وتسافر وتعمل اى حاجه عشان بلد ماحدش يعرف فيها حد طيب فين الفرص اللى البلد مجهزاها هنا للشباب دول عشان مايهربوش منها يعنى الشباب تتخرج وتعقد على القهاوى من غير شغل وللاسف مش لاقين وانا اعرف شباب بيتمنوا يشتغلوا اى حاجه بس يلاقوا البلد هنا ماشيه بالكوسه وبس وبعدين بتقول استصلاح الاراضى هى فين دى
وكمان بتقول ان فى دول حددت النسل ان اول طفل ليه الحق فى التعليم والتامين طيب انا سمعت انا القرار ده هيتنفذ هنا كمان بس بدل ماهو عيل واحد لاء هيبقوا اتنين

عادى اتنين احسن من واحد لان واحد خلى الدوله دى الناس اللى بيجلهم بنت بيقتلوها ورجع نظام وأد البنات اما بالنسبه لفرص العمل فى مصر انا عارف انها موجوده بس للى يدور ويسعى ويحاول يجى على نفسه مش بس كلام

احنا السبب فى الغلاء بنبص للكماليات قوليلى كدا كام واحد معندوش كمبيوتر وكام واحد مندوش دش وكام واحد معندوش كماليات الحياه وسيبين الضروريات وغيرها من التصرفات الغلط فى اوربا الواحد بيعمل كل حاجه فى بيته من دهان وصيانه علشانم يقلص المصروفات بتعته واللى قعدين على القهاوى بيصرفوا كام كل يوم ومنين واللى بيدخنوا واللى واللى واللى

طيب يامحمد والكماليات دى مالها ومال الغلا اللى احنا عايشين فيه
يعنى سمعت ان الاسعار هتنزل فى رمضان اجى النهارده اسمع ان كيلو المكرونه بقى ب 5 جنيه
وبعدين هما مين اللى عندهم الكماليات دى مش هتلاقى غير الناس اللى مبسوطه ومايهمهاش حاجه واذا
كانت البلد تولع ولا لاء عادى عندها انما فى ناس تانيه غلابه جدا وماتعرفش حاجه عن اللى انت بتقوله ده
وبيكملوا بقيت عشاهم نوم وعملين يفكروا هيعملوا ايه ويجيبوا منين للاسف دايما مابنبصش غير للناس اللى مرتاحه وبس وماناخدش بالنا ان فى ناس مش لاقين ياكلوا ولا يسمعوا عن الكماليات دى
وتقولى احنا السبب طيب ازاى

هى الناس اللى مرتاحه هى بس اللى بتجيب الحجات دى والتقسيط وما الى ذلك اللى بيخنق البيت وبيحرق دم اللى فيه ويطير النوم من عين الناس
كل ده علشان يبقوا زى جرانهم وقريبهم و الكلام ده عن تجربه وعلمممكن مش فى البلاد بتعتكم بس عندناده موجود بكثره كمان اسالوا اهل زمان

والله يامحمد وحتى اللى بيجيبوا التقسيط دول ناس مارتحين
وعارفين هيصرفوا ازاى ويسددوا ازاى لان ماحدش بيفكر فى الكماليات
اذا كان ماعندوش مشاكل لان دايما الانسان بيدور على الضرورى الاول
وبعدين يبص للكماليات

طيب اطرحى الموضوع ده للمناقشه وشوفى هل ده مقصور على اللى معهمش اكتر ولا اللى معاهم ومش محتجين

طيب ايه رايك لو انت اللى طرحت الموضوع ده
ونشوف الردود هتكون ازاى

حاضر بس بعد رمضان
عشان تكون الناس متفرغه

ماشى بس ماتبقاش تنسى
عشان انا عن نفسى هنسا