طلعلى عفريت..................

طلعلى عفريت… شبيك لبيك affraid

قلت أنا للذل باى وودعته         وللعفريت هاهريك هاهريك
قالى هأوأو يا إبن الإنسان            دانا عفريت مارد بن جان
ما يهمني مكان ولا زمان            واطلب وأنا عندى البرهان
*****************
أناعاوز قمح زُرع فى مصر         ومرتب يكفى لآخر الشهر
وحكومة متعصرنيش عصر          ومسؤولين يبطلوا فشر
وعاوز عيش من غير طوابير        وإنفاق حكومى بدون تبذير
وانتخابات من غير تزوير            ورئيس سابق أشوفه كتير
*****************
عاوز فى بيتى شيكارة دقيق            وتبرير مقنع لأى حريق
ومجلس شعب بدون تصفيق          وفى كأس العالم لينا فريق
وأكلة كباب مشوى على السيخ              مع عيالى فى شرم الشيخ
وأشرب فى القسم عصير بطيخ         وأخرج سليم بدون تلطيخ
ونفسى الضحكة ترجع تانى            ورصيف للمشى أنا وخلاّنى
وجنيه مصرى ولا البرانى            يشترى حتة لحمة ضانى
*****************
رد العفريت عليا بغشم                 وقال يا مصرى ماكنش العشم
بص.. أنا ممكن أشيلك الهرم           واسدلك الأوزون اللى اتخرم
وأرجعلك الأكل اللى اتهضم           وتمأمأ البقرة كأنها غنم
ممكن أبنيلك قصر من العدم                وأقولك معنى شرم برم
بس طلباتك طلبات ملبوس            عقله خلاص أكله السوس
ده تخطيط يا بنى ومدروس            إنك تعيش على طول موكوس
ده احنا بناخد منكوا دروس              إزاى يبقى الجن متعوس
ورجعنى يا عم تانى الفانوس        وأنا راضى أعيش محبوس
بدل ما أخرج واتبهدل زيك            ويتلم موكوس على متعوس

[color=cyan] منقووووووووووووووووووووووووووووووووول[/color]

ما كنتش ناوية ارد على الموضوع ده
علشان انا بخاف من العفاريت
بس علشان حبيبة قلبى سماح غمضت عينى ورديت
تسلمى حبيبى
د

زائر

هههههههههههههه
ابيات ساخره ممتاذه بورك فيكى والله ممتاذه انتى جميله الروح

شكرا ليكى يانور على زوقك بس ماتخافيش ماعفريت الا بنى ادم
وانت ياابن حزم ميرسى ليك اوى وانت اللى روحك جميلة وغالية

زائر

ههههههههههههههههههه
وهو ده نهاية جن شبيك لوبيك

ههههههههههههه
اه يا سارة
ميرسى لردك الجميل