الشروق
اشتركوا معانا .............ومش هتندمواااااااااااااااااا

الشروق

منتدى عربي لكل العرب
 
الرئيسيةالتسجيلدخول
منتديات الشروق .....بترحب بيكم.......وبتتمنى ليكم التفاعل والانسجام معانا
المواضيع الأخيرة
» سجل اعجابك بشخصية عضو في المنتدى..
اعرفى عريسك من طريقة اكله Emptyالإثنين يوليو 08, 2013 3:11 am من طرف яِωًG̵̵ْɐAϞ ⌣

» احـــم احــــــم انا ج ـيت ^-*
اعرفى عريسك من طريقة اكله Emptyالإثنين يوليو 08, 2013 2:44 am من طرف яِωًG̵̵ْɐAϞ ⌣

» رمضان كريم(ادخل للتهنئة)
اعرفى عريسك من طريقة اكله Emptyالإثنين يوليو 08, 2013 2:18 am من طرف яِωًG̵̵ْɐAϞ ⌣

» كل واحد يحط سؤال والى بعده يجاوب
اعرفى عريسك من طريقة اكله Emptyالإثنين يوليو 08, 2013 2:05 am من طرف яِωًG̵̵ْɐAϞ ⌣

» NEW تولبار اسلامي رائع
اعرفى عريسك من طريقة اكله Emptyالإثنين يوليو 30, 2012 4:44 am من طرف خالد

» تولبار اسلامي رائع التحميل مجانا!!
اعرفى عريسك من طريقة اكله Emptyالإثنين يوليو 30, 2012 4:42 am من طرف خالد

» تولبار اسلامي رائع - مجانا!!
اعرفى عريسك من طريقة اكله Emptyالإثنين يوليو 30, 2012 4:37 am من طرف خالد

» NEW تولبار اسلامي رائع مجانا
اعرفى عريسك من طريقة اكله Emptyالأحد يوليو 29, 2012 5:29 am من طرف خالد

» صور معبرة عما يحتوية القلب من كلمات
اعرفى عريسك من طريقة اكله Emptyالسبت يوليو 21, 2012 4:57 am من طرف ساقي الورد


شاطر
 

 اعرفى عريسك من طريقة اكله

اذهب الى الأسفل 
كاتب الموضوعرسالة
????
زائر



اعرفى عريسك من طريقة اكله Empty
مُساهمةموضوع: اعرفى عريسك من طريقة اكله   اعرفى عريسك من طريقة اكله Emptyالجمعة فبراير 26, 2010 2:11 pm


اعرفي عريسك بدري بدري.. من طريقة أكله ....؟؟؟؟اعرفى عريسك من طريقة اكله Ma%20(31)

1
- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول.. يبقى شخص معتدل في عواطفه وقراراته ويبقى ده آخر
الرجال المحترمين.. كلبشي.. واستعجلي الزفاف والحياة هتبقى بمبي

عز الطلب
العريس ده تمسكى فيه بإديك ورجليك وأسنانك وبسرعة البرق تجرى على أمك وتقولى يا ده يا أموت نفسى
وتجرى على المأذون لو ماكان فى البيت تليفون وتقولى لو ربنا يخليك وأذبح لك ديك تيجى تجوزنى
لحسن العريس يطير منى يارب يفتح لك الأبواب وتلاقى ميت عريس مستنيين على الباب
----------

2
- إذا كان بيحب الأكل زي عينيه.. وأول ما يدخل من الباب وقبل ما يقول
لك ازيك يقول لك ريحة التقلية تجنن ياروحي إنتوا عاملين ملوخية على
أرانب؟؟.. أموت أنا.. ويقعد ياكل ويحشر لحد ما يغمى عليه.. يبقى إنسان
طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟


أحسن حاجة تعمليلو سد الحنك
ووللإحتياط ركبيلو كمامة قبل النوم
وإسقيه ينسون فيه كام حباية فالنيل
هينام فطيس وينسى إنو عريس

3- أما إذا كان مش مهتم بالمرة.. لايقولك ده حلو ولا ده عادب ولا مالح
ولا مستوي ولا لسه ني ولا بيعلق أي تعليق.. وعمره مايقولك جعان أو
شبعان يبقى إنسان مالوش لزمه.. وزي قلته.. وأنصحك بدل ما تتجوزيه
إتبنيه.. وهاتعيشي إنتي الراجل والست ف وقت واحد واعملي حسابك
هاتركبيه
وتدلدلي رجلييكي.
-
ده نونسة أمه يختى عليه وعلى دمه
وشغال بواحد نظام بس مش تمام
تروحى بيه لبتاع الفديوهات يركبلو حاجات
ويبقى متعدد الأنظمة وكمان ممكن يخليه يشتغل بالريموت كنتروك
بس دى نصحيحة وإذا خرب أنا مش مسؤل


----------


4
- أما إذا كان بياكل زى مايكون حد بيجري ورااااه وساعة الأكل بيجيله اعرفى عريسك من طريقة اكله Ma%20(9)
حالة صرع معوي.. ويقوم من ع الأكل قبل أي حد تاني يبقى متسرع.. ومتهور
في اتخاذ قراراته وممكن بعد الجواااز يكتشف إنك لست ملهمته..ولست فتاة
>أحلامه ولستِ حلمه.. ويروح مطلقك بالتلاتة.. إخلعي إنتي بدري أحسن
لكرامتك.


ممكن له حل تروحى بيه للأسطى بلية الميكانيكى
يغير الجلبة بتاع فرامل مخه ويغير كمان زيت الفرامل
وممكن يركبلو فرامل يد تخليها فى إيدك على طول وزى ما بقول إن خرب أنا مش مسؤل




--------------------


5
- أما إذا كان بياكل على مهله.. ويمزمز.. ف كل صنف لوحده.. ويسأل عن اعرفى عريسك من طريقة اكله M-s12
كل صنف إيه مقاديره ومعمول إزاااي ويقعد يستطعم ف الأكل من العصر
>للمغرب حاسبي منه يا اختي ده النوع اللي له مخ.. وبيوزن الأمور بطريقه
تفقع المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟ نظااااام شلل رعاش بدري.... بدري.... إخلعي يا أمي

مالو الصنف ده مش أحسن من المجنون إبن المجنونة المتسرع وبعدين إبنك على ماتربيه وجوزك على ماتعوديه وخديلك كل يوم حمام بالفريك ولا حمام بارد وهتبقى آخر ألاجة وميه وميه بس حاسبى وبلاش تعمليلو طعميةولا مهلبية ولا طاجن بامية ف دقية وسلطى عليه أمك حتاخد تارك وتزود همك وإن برطم هاتيلو خالك وعمك وأولاد الجيران هايخلوه يعقل يإإما يجيلو جنان ويروح السرايا الصفراوتقعدى تندبى حظك وتقولى كنت فينك يا لأ لما قلت آه آه آه ياعينى ويا حسرة عليا جاتها نيلية الست فوزية بلتنى بالمتنيل على عينو ولا تهنيت يوم ولا شوفت الراحة شوية


-----------

>6
- أما إذا كان بيقعد يقطع ف الأكل زي مايكون ف خناقة ويخبط فطبق اعرفى عريسك من طريقة اكله Ma%20(21)
من الغل.. ويقطع حتة اللحمة زي ما يكون
بيدبحها.. ويتفتف.. ويتكلم.. طول ماهو بياكل لما يغرق وشك أكل.. ده
شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""

ده ممكن يكون مسعور تروحى بيه لعيادة الكلب ياخد واحد وعشرين حقنة فى بطنه
والأن عرض مغرى يوجد عندنا نظام جديد ومفعوله أكيد تلات حقن بس يابلاش
ياخدها من غير سكات وبعدها هيخف ويبطل بديله يلف ويبقى مستأنس وبيه كل الناس تكنس


-------------

7
- أما إذا كان دايمًا قرفاااان دايمًا مش عاجبه العجب ولا الصيام في رجب.. يع.. الملوخية تقيلة.. ياي.. السمنة كتيرة على وش الشوربة.. اعرفى عريسك من طريقة اكله Mad
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..

إذا كان كده توكلي على الله وهاتي أحمى ساطووووور
عندك وأنا أعرف لك واحد محامي
هايطلعك منها زي الشعرة م العجيييين


فيه حل تانى جايبو من دكان الزلبانى
تقولى لو يا حبيبى ياهمى وغمى ونصيبى ياريت تورينا شطارتك وتروح عند مامتك
تتعلم منها تعمل المحشىوتورينا صنعة إديك يختى عليك وما تنساش تعدى على الأجزخانة تجيب كبسولات للمفص والطراش وللإحتياط شربة زيت خروع معاك
ونا هفضل أستناك وأمنى نفسى بأكل إديك إسم الله عليك وإن ما نفعش الحل ده تاخديه طوالى للست زكية يتعلم الأدب ويبطل اللماضة ديا



والأحسن من ده كله..... مالها القعدة ف بيت أبووووووووكي؟؟

إقتراح وجيه والشكر على التنبيه
بس يا خسارة خلاص وقعت الفاس ف الراس
هههههههههه
وما عاد ينفع ندم للى فى الجزاز إتظلم فينك يا لأ لما قلت الآه آه علييا وحسرة علييا جتها نيلة الست بهية إللى وقعتنى فى الجوازة ديا دنا كنت يختى عليا زى اللولية ومع إنى ماكنت بعرف أعمل الشاى ولا أطبخ الملوخية بس كنت قاعدة متهنية ولا بنت وزير أقزز لب وأتفرج على الفوازير


ارجو ان اكون رسمت على وجوهكم البسمة

ولكم كل الشكر والتحية وإلى لقاء المحطة الجاية يلا يافندى وصلنا آخر الخط قبل ما ييجى الخط بالضضضضضضمة

الرجوع الى أعلى الصفحة اذهب الى الأسفل
????
زائر



اعرفى عريسك من طريقة اكله Empty
مُساهمةموضوع: رد: اعرفى عريسك من طريقة اكله   اعرفى عريسك من طريقة اكله Emptyالجمعة فبراير 26, 2010 2:57 pm

ههههههههههههههههههههههههههه
جميل سا ساره
هبقى اشوف الشباب بتاكل ازاى بقى
واخد رقم الماذون
هههههههههههههههههههه
تسلمى يا قمر
الرجوع الى أعلى الصفحة اذهب الى الأسفل
سماح
مشرف
مشرف
سماح

عدد المساهمات : 1881
السٌّمعَة : 9
تاريخ التسجيل : 15/12/2009
العمر : 34
الموقع : القاهرة

اعرفى عريسك من طريقة اكله Empty
مُساهمةموضوع: رد: اعرفى عريسك من طريقة اكله   اعرفى عريسك من طريقة اكله Emptyالسبت فبراير 27, 2010 7:07 am

ههههههههههههههههههههههههه
موضوع جميل يا سو
تسلم الايادى يا عسل
الرجوع الى أعلى الصفحة اذهب الى الأسفل
http:///alshrook.ahlamontada.com/profile.forum?mode=editprofile
 
اعرفى عريسك من طريقة اكله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الشروق :: المنتديات العامة المتخصصة :: الصفاء النسائي-
انتقل الى: