[size=21]الخاطبة زمان ودلوقتي
زمان كنا بنسمع عن الست الخاطبة ودورها في انها تجمع وتوفق بين اتنين ونقول انها وفقت راسين في الحلال من خلال انها بتعرف الشخص ده بالفتاة دي وأسرة الشاب بأسرة الفتاة ولو حصل وعجبوا بعض وحصل اتفاق بتتم الخطوبة وبعد كده الزواج وبرضو زمان كنا كلنا عارفين الخاطبة دي وعارفين أخلاقها وواثقين فيها جدا ..
انما دلوقتي بيتهيالي الخاطبة مش بقت موجوده وحل محلها وسائل أخري كتير للتعارف ومن هذه الوسائل النت والشات وغرف التعارف بقصد الزواج
دلوقتي الوضع اختلف بقي الشاب او الفتاة بتدخل علي النت وبتنشئ ملف خاص بها وممكن تضع صور لها وارقام تليفونات وتوضح مواصفات فتي احلامها وكل المواصفات الي هي تتمناها وكذلك الشاب بيعمل كده والنت بعد كده يقوم بالتوفيق بنهم ويرشحهم لبعض ويتعرفوا ويتكلموا والغريب انهم بعد التعارف ممكن يطلعوا من بلد واحد وحتي ممكن يكونوا جيران ومن نفس المنطقة ولكن المشاغل وبعد الناس علي عن بعض ادي الي ان الجيران مش يعرفوا بعض ولا حتي الاهل
ولكن سؤالي ازاي البنت ممكن تثق في الشاب الي اتعرفت عليه من خلال النت ؟
وازاي هتعرف اذا كان صادق معاها وان كل كلامه مش كذب ومجرد تسلية بيها ؟
وازاي هتتاكد انه فعلا محترم وجاد وتعارفه بقصد الزواج؟
أسئله كتير وكتير حيرتني ومش عارفه اوصل فيها لاجابة ياريت تساعدوني وتشاركوني في الاجابة عليها وتقولولي رايكم في الخاطبة وهل هي كانت أضمن وأريح في التعارف وفيها ثقة اكتر ولا بقت مواقع التعارف والزواج افضل في التعارف بالرغم من كل ما يدور فيها .
[/size]
الإثنين يوليو 08, 2013 3:11 am من طرف яِωًG̵̵ْɐAϞ ⌣
