للنقاش (النت وسيلة للثقافة أم للضياع) شاركنا برأيك

بسم الله الرحمن الرحيم

السلام عليكم ورحمة الله وبركاته

النت وسيلة للثقافة أم الضياع

إخواني وأخواتي

موضوع اليوم قد أصبح قضية تثيرهُ معظم القنوات التي تهتم بالبرامج القيمة والتي تهتم بالفرد والمجتمع من جميع النواحي إلا أنها في الفترة الأخيرة قد ركزت على مساوئ النت بشكلٍ عام والمنتديات بشكلٍ خاص

فمثلاً أحد الشيوخ شبه النت بالشيطان وأكد على وجوب الابتعاد عنه

ونصح أولياء الأمور بعدم إدخال هذا المنكر إلى البيوت وأكد أن من يقوم بإدخاله إلى بيتهِ فهو قد أرتكب منكرا وذلك للمساوئ الكثيرة للنت والمنتديات بشكل خاص والتجاوزات الدينية والأخلاقية الحاصلة من ضعيفي الدين

ولهذا أردت مناقشة الموضوع معكم

هل النت مضر؟ هل يجب عدم ادخاله للبيوت؟

هل ستدخل النت في بيتك ام لا؟

وما الضوابط التي ستضعها على من تعولهم في استخدامه؟

وما هو السن المناسب في نظرك لدخول النت؟

وهل فعلاً أصبحت مخاطر المنتديات أكبر من نفعها ؟

وكيف يمكن حماية الفرد نفسه من تلك المخاطر ؟

ومن أكثر تعرضاً لتلك المخاطر ؟ الرجل أم المرأة ؟
وكيف ذلك؟

ومن لديه إضافة أرجو طرحها هنا للفائدة!

وفقكم الله وسدد لدروب الخير خطاكم

اشكرك على طرح لموضوع خطير زي ده واولا ارحب بيك او بيكي عضو جديد في اسرتنا
طبعا في 3 عوامل مهمه بالنسبه لموضوع النت ده
اولها التربيه
التربه ليها عامل مهم وخطير في طريقه التفكير
يعني تربيتنا بتدينا اسلوبنا في الكلام
وبتدينا العادات والتقاليد اللي اتربى عليها ابائنا وامهاتنا
تاني شئ الثقافه الدينيه
واللي عن طرقها مش هنقع في اي محظور
زي مثلا هل اصدق الشاب ده او لا
هل هو صادق ولا مخادع هل زيه زي غيره والكلام ده
وهنقول طبعا لنفسنا وادخلو البيوت من ابوابها
مش غلط اني ارتبط من النت
لان النت جزء من بيئتنا
ووسيله للتعارف اينعم رائ الاباء اكيد مختلف بس منهم كتير بيقتنع ان دا شئ عادي
وزي مثلا اني اكون من بلد واللي ارتبط بيها من بلد وهيا تسال وانا اسال عنها
نفس الشئ ممكن يحصل في النت
تالت شئ رجاحه العقل
مش لازم ابان ناصح قدام الناس وفاهم وعارف ايه بيحصل وايه لا
بس مهم اني افكر في كل خطوه واستخير ربنا فيها قبل ما اخطوها
النت زييه زي التليفزيون زي الدش زي اي شئ ليه اضراره ومنافعه
ممكن احنا نبحث عن اللي ينفعنا ويقربنا للصح وممكن نبقى وسيله لهلاك مجتمع باكمله

موضوع مهم جدا للنقاش فيه
النت وسيله للضياع ام للقافه
النت وسيله للاتنين للضياع وللثقافه
بس طبعا فى كلا الحالتين ده شئ بيرجع لعامل التربيه فى البيت وعامل الدين وعامل الرقابه داخل البيت
وبعدين النت تكنولوجيا زى زى اى شئ اخر من التكمولوجيا فيه المفيد وفيه المضر
وطالما سمحت لنفسك انك تدخل تليفون ودخل دش فى البيت يبقى النت زيهم فيه الصالح وفيه المضر
اى نعم اضراره اكتر من اضرار الاشياء الاخره
بس احنا ليه نبص للاضراره ومانبصش لنفعه وطالما كل شئ تحت ايدينا وتحت رعايتنا يبقى مانخافش
وزى ماقولت فى الاول احنا اللى فى ايدينا ضياع انفسنا او الاستفاده منه
وزى مافى منتديات مش كويسه فيه الكويس
يبقى لازم كل شئ يكون عليه رقابه وتحت عنينا
وبعدين لما الاولاد يكونوا بيعملوا كل شئ تحت عنينا افضل من انهم يعملوه فى الخفا
بمعنى ان النت اتمنع من دخول البيت واتمنع باردوه من السيبر يعنى الابناء مش هيقدروا يدخلوا النت من السيبر
وساعتها يقدروا يعملوا اى شئ وطبعا ده هيكون اخطر لانهم بيعملوا اشياء من ورانا من غير مانعلم بيها
يبقى هو ده الضياع الحقيقى لاننا للاسف مش هنقدر ننصح لاننا مانعرفش ايه اللى بيحصل وساعتها هنندم بجد
ومهما كانت التربيه والدين انما فى اصحاب السوء وفى الشيطان وكل ده يحصل واحنا مش هنا ولا نعرف ايه اللى بيحصل
انا اعرف اولاد فى الثانوى بيطلوع من البيت على انهم رايحن دروس ويروحوا السيبر وياخدوا من اهليهم فلوس الدروس ويصرفوه على النت خارج البيت
يبقى ايه الاحسن النت داخل البيت والرقابه عليه ولا خارج البيت واحنا مانعرفش حاجه ومافكرين ولادنا احسن ناس
وشكرا ليك على طرح هذا الموضوع للمناقشه واسفه على التطويل بس بجد موضوع مهم الكلام فيه
وطبعا لكل واحد وجهة نظره

شكرا على الترحيب يا أدمن المنتدى

وشكرا على التفاعل والنقاش

انا يمكن اتفق مع ارائك في جزء كبير بخصوص التربية والوعي الديني

لكن في نقطة مهمة بالنسبة لموضوع النت والارتباط يمكن أختلف فيها معاك

هو صحيح النت بقى جزء من مجتمعنا وبيتئتنا زيه زي اي نادي او مكان عام

بس المشكلة انه لا زال اسمه عالم الوجوه المجهولة

بمعنى ان انا مهما كان ما ينفعش اثق في اللى قدامي بنسبة كبيرة سواء بنت او ولد طول ما العلاقة فى اطار النت

والثقة مش بتيجي الا اذا العلاقة دي بدات تنزل أرض الواقع عن طريق تلفونات وعناوين وما شابه

وطبعا في نقطة تانية ان زي ما فى 10 % ممكن يبقوا صادقين مع نفسهم وفاهمين بالظبط عايزين ايه
فى نسبة كبيرة جدا من الشباب والبنات بتبقى داخلة تهرج او تضيع وقت وبس

وعشان كدة ما بقاش في مصداقية لعالم النت

وطبعا هو فعلا النت زيه زي اي شيء له منافع واضرار وكل واحد فينا بيختار

شكرا على النقاش الموضوعي

الأخت الفاضلة سارة

شكرا على تفاعلك الجميل وفعلا انتي لمستي نقطة مهمة جدا بيغفل عنها الاباء والأمهات وهي ازاي ادي بنتي او ابني الحرية اللي هو عايزها وفي نفس الوقت اخليه تحت عيني

لو فعلا الأهل حسسوا ولادهم انهم مسئولين عن نفسهم ولهم كيان وشخصية هتفرق كتير بس دة طبعا ما ينفعش غير بعد ما يكون في أساس ووازع ديني اتعود الولد او البنت عليه من صغره

عشان كدة لما تكون معاه الحرية مش هيغلط ان شاء الله ولو غلط هيعرف غلطه فين

وانا وجهة نظري ان النت لا غنى عنه في كل بيت دلوقتي فما ينفعش اصلا منعه لكن الحل هو الرقابة من بعيد وتنمية الوعي الديني

شكرا ليكي يا سارة

وانا رأيى من رأى سارة
وبعدين احنا اللى بنخلى الحاجة اللى بنستخدمها ضارة ولا نافعة يعنى الغلط مش واقع على النت الغلط علينا احنا لاننا سيئين فى استخدامه وشكرا يا أنجل على الموضوع الحيوى ده واللى فعلا لازم الكل ياخد باله منه ويعى لهذه الجزئية جيدا

» شاركنا برأيك التمييز بين الأبناء .. خطأ آثاره مدمره
» شارك برأيك الى متى سنقف مكتوفى الايدى
» خط احمر.... زنا النت
» اجمل قصة حب على النت
» انواع الناس على النت