كل واحد يحط سؤال والى بعده يجاوب

اهم شئ عندي التفاهم
ليك دعوه واحده تدعو بها وتستجاب حالا بما تدعي؟

فى الحقيقه انا عندى دعوات كتير وكنت دايما بادعى ان ربنا يرزقنى ان اعتمر او احج لانى باحلم باليوم ده وباتمناه بس فى الوقت الى انا فيه ده هادعى واقول يارب ثبتنى وارزقنى التوبة النصوح وارزقنى الاخلاص فى النيه واحسن ختامى
نفسك تقول ايه لحبيبك رسول الله صلى الله عليه وسلم ؟

فاك روحي يا رسول الله بس ابعتلي اللي اثبت فيه صدق كلماتي دي
حلم تعيشه حقيقه هو ايه؟

السلام مع نفسى والسلام والحب بين البشر
انت اى نوع من انواع النفوس (المطمئنه-الاماره بالسوء-الغافله)؟

سؤال صعب وانا مش هقدر اقول انا ايهم لاني لو حاجه من الاتنين التانيين يبقا المفروض اني استر على نفسي وطالما ربنا ستر عليا مفضحش نفسي
بس انا مش الاولى
نصيحه لاخ
نصيحه لاخت
نصيحه لنفسك؟؟؟؟؟؟؟؟؟؟؟؟؟؟؟؟؟

لاخ
اتق الله حيثما كنت واتبع السيئة الحسنه تمحوها
وانصحه بالعفه والحياء مهما كانت المغريات وبالتوبه مهما عمل والاستغفار لانه بينقى القلب

لاخت
كونى عفيفه ذات حياء وتقيه ذات صفاء وبالتوبه الدائمة من الذنوب
لنفسى
بانصح بالعفه والحياء والتوبه الدائمه وقوة الاراده على فعل الحلال والبعد عن الحرام
ولاى حد بقوله
بسم الله الرحمن الرحيم (قل يا عبادى الذين اسرفوا على انفسهم لا تقنطوا من رحمة الله) صدق الله العظيم

هاسال نفس سؤال محمد

اظن مش في احسن من نصيحتك يا رانيا
اختار شخص واحد تدخله الجنه وشخص تدخله النار طبعا باذن الله عز وجل

ما اقدرش ارد على السؤال ده لانى ما ليش الحق بالحكم على حد وخاصة ان ده شئ يخص ربنا لانى مهما كنت فده يعتبر تعدى لحدود الله منى
لكن ممكن ادعى واقول يارب من كان فى قلبه ذرة حب لك فاجعله من زمرة اهل الجنان واجعلنى منهم يارب
ممكن اطلب طلب فى هيئة سؤال ممكن وانتم بتصلوا تدعولى ربنا يهديلى نفسى ويكرمنى فى الامتحانات

حديث الرسول صلى الله عليه وسلم
كل مؤمن من امتى صديق شهيد
ويكرم الله وان ادنى المؤمنين شفاعة يوم القيامه
ليشفع لثلاثين انسانا
ولما طلبت يا اخت رانيا انك تختاري حد كنت اقصد ده
مش اقصد اننا نجور على شئ يخص ربنا
ولما برده قلت حد يدخل النار
فمن حقك تختاري كتير قوي وبرده من حقى ممن اذوا دين الله والاسلام والمسلمين
ولكن شكرا على ردك ولكل انسان فهمه واسلوبه

فعلا لكل انسان فهمه واسلوبه وباعتذر لو كان اسلوبى فى التعبير عن رايى دايق حضرتك وبالنسبه للفهم مش دايما بيكون عندنا مقدره على فهم الكلمات وفى الحقيقه طريقة القاء السؤال هى الى فيها حيره لتحديد معناها وردا على سؤالك بعد توضيح معناه
انا اتمنى كل انسان عرفته يكون معايا فى الجنه
اما النار فانا ما اقدرش ادعى او اتمناها لحد مهما عمل ومهما كان يمكن يكون ختامه افضل منى
سؤالى هل ممكن تغلط فى حق حد ونفسك تمنعك من الاعتزار ؟

اكيد هتحصل وبتحص وحصلت بس ان كنت مقتنع باني غلط يبقى بقا واجب عليا الاعتذار
هل تحب مواجهه المشاكل ام تفضل الابتعاد؟

اولا مش اى مشكلة ممكن اواجهها ومش اى مشكلة برده ابعد عنها واهرب ده بيرجع لنوع المشكلة ومدى اهمية الناس اللى حاصل معاهم المشكلة فلو مهمين بالنسبة ليا افضل انى اواحه المشكلة بكل قوة عشان ماخسرهمش وعشان نشوف ايه سببها ونحلها والكل يرتاح لكن لو ميلزمونيش افضل ابعد عنهم وكمان لو المشكلة كانت بسببى لازم اواجهها لكن لو مش بسببى ومواجهتها هتضرنى يبقى بلاش منها

ايه الحكمة اللى دايما تقولها لنفسك وماشى عليها فى حياتك؟

امشي عدل يحتار عدوك فيك
متى ندمت

ندمت مرة واحدة فى حياتى عندما اخذت قرار مصيرى غير كل حياتى من فرح لكآبة

متى احسست بالضعف وقلة الحيلة ؟

لما كنت بروح المدرسه الابتدائى كان نفسى اقعد بي ابويا بقا
هههههههههه

متى ستجهزون الغدا علشان انا جعان

غدا ايه يا فاضي احنا المغرب
قول العشااااااااااااااااااااااااااا
اسم حد حبيته؟

نور

ايهما تفضل موبينيل ولا فودافون ولا اتصالات ؟
ومعاك كام خط منهم؟مع ذكر السبب
ههههههههههههههههههههه

انى اتقى الله فى كل تصرفاتى

اقرب شخص ليك

ايه ده ياسارة؟
فين اجابتك على سؤالى؟
هههههههههههه

اقرب شخص ليا هما كتير بس بالاخص امى وبنت خالتى الى هى اكتر من اختى
هل فى يوم قصدت جرح او اهانة انسان تعرفه حتى لو دايقك؟

اين السؤال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معلشى ياسماح مااخدتش بالى

انا معايا خطين فودافون وموبينيل وطبعا بفضل موبينيل عشان كل اصحابى
ممكن اكون جرحت بس من غير قصد

اكتر موقف ممكن يضايقك ويخرجك من شعورك

انى اتعامل بما يرضى الله واللى بعامله بما يرضى الله يبادلنى المعامله ببرود وقلة فهم

ماذا تعنى لك كلمة والله العظيم

بالنسبه لناس كتير اعرفها
ولا شئ
بقت عادي عشان يثبتوا بيها اغراضهم ويستخدموا يمين الله ظلم وجور
اما بالنسبالي فقيمتها في المعنى اللي اتنطقت بيه
والله الععظيم
واذا كنت تعظم شيئا فانت اعلم بقدرته وعظمته

فين السؤال يامحمد

انا بحب اللعبه دى ياريت ما تقفش عند كدا ونكملها
واعذرونى لانى مش بارد على مواضيع كتير لان ما عنديش نت وبالاقيه بالصدفه اتمنى ما تعتبروش ده تجاهل منى لان فيه مواضيع جميله جدا لابس ما عنديش امكانية الرد وكل عام وانتم بخير

اولا يارانيا انتى بتوحشينا وعارفين موضوع النت ده
معلش ان شاء الله تقدرى تكونى معانا اكتر وقت ممكن وبالنسبة للعبة عشان خاطرك انا هحط سؤال ونبدا من تانى لان الاعضاء شكلهم ناموا

ايه اكتر حاجة نزلت دموعك عليها وفضل جرحها فى قلبك لحد دلوقتى؟

الشبشب بتاعى لما ضاع
هههههههههههههههههههه
بتخاف من مين

[b

]بخاف من ربنا فى المقام الاول
ثانيا بخاف من الاماكن الضيقة
والمرتفعة عندى فوبيا
هههههههههههههههههه

مين اكتر انسان جرحك وياريت لو تقول الاسم؟

[/b]

الحمد لله ما فيش جرح من اى حد
اعتراف تحب تقوله ايه هو الاعتراف ولمين؟

» الصديق ام الحبيب؟ الجرىء يجاوب
» الاستاذ يسال والطال يجاوب باغنيه
» الحااااااااااااااااااااق السعودية بتقول اية على والى الشباب
» اكتب اسم ممثل والى بعدك يكتب اسم فيلم ليه
» سؤال صعب جدا ادخل وقول الى فى قلبك؟؟؟؟؟؟؟؟؟؟؟؟؟؟؟؟؟؟؟؟