اصلها كانت مخطوبه

فى الحقيقه يا منه ده فعلا فى احيان كتيره بيكون حمل على كتف البنت او الولد بس البنت بنسبه اعلى وده لان كل واحد بيسال ايه السبب للانفصال والازمه بقى لو اتخطبت وفركشت اكتر من مره بيحسسوها انها اتجوزت واطلقت مع ان دى كمان حاجه عاديه بس للاسف دى ثقافه منتشره ان الى بيتخطب ويفركش اكتر من مره يبقى العيب فيه والله بقى على كلام الناس وبعدين دى بترجع للشاب نفسه وولثقافته هو الى ممكن يعاملها على انها مخطئه او على انه قسمه ونصيب علشان تكون ليه وان ده امر الله يعنى الناس هى الى بتصعبها على نفسها
فيه جانب تانى وهو ان الخطوبه اخدت حد اكبر من حدها يعنى بقت طريقة التعامل والكلام منفتحه نوعا ما اكتر بكتير عن الاول فدى ممكن تسبب قلق للشاب واحيانا للبنت ويسال لاى درجه وصل الحوار بينكم او لاى درجه هو اخد مكانه جواكى وبرده دى بترجع لثقافة الشخص واقتناعه بالانسانه الى اتقدملها وثقته فيها والموضوع ده ليه جوانب كتيره بتختلف باختلاف فكر الشخص وبيئته